كشف المخرج محمد سامي عن انتهاء زوجته الفنانة مي عمر من تصوير مسلسل الست موناليزا، مؤكدًا أن الأيام الأخيرة من التصوير كانت صعبة، خاصة مع عرض العمل بالتزامن مع التصوير وأيضاً تصويرها بعد وفاة والدها مباشرةً.
كتب محمد سامي عبر حسابه الشخصي بموقع فيسبوك: “النهاردة مى عمر خلصت تصوير مسلسل الست موناليزا ، اخر كام يوم كانوا صعبين جدا لأنها صورت فى عز ظروفها لأن المسلسل بيعرض على الهوا ، بس صبرها وساعدها وجود رجالة أخواتها كانوا فظهرها محاوطين عليها برجولة و جدعنة و دعم لا محدود”.
تابع:بداية من mbc مصر، المحترم أستاذ.محمد عبد المتعال والأخ الشهم المحترم أستاذ. محمد مصطفى و المنتج الراقى الطيب الخلوق اللى بيحب أبطاله وبيقدرهم أ.حسن العسيري،أجمل وأشطر إثنين منتجين أ.طارق فهمى، أ.محمد عبد الوهاب اللى كانوا مموتين نفسهم عشان الست موناليزا يحقق النجاح اللى حققه بفضل ربنا وكرمه يتصدر الترتيب سواء فى مصر أو الوطن العربى”.
أضاف: “أنا بشكر الناس دى لأمانتهم و إخلاصهم وحبهم للناس اللى بتشتغل معاهم ، سهل إنك تعمل مسلسل بس صعب إنك تبقى رقم واحد من أول يوم عرض لآخر يوم ، بكلام موثق موجود على المنصة بريتنيج وترتيب واضح و شرعي و معلن ، مش كلام مطلق و عايم”.
اختتم: “الست موناليزا رقم ١ من حلقة ١ إلى ١٤ وإن شاء الله هيقفل كده، لله الحمد و الشكر”.
