ابن عاق

ابن عاق
……….
الذل بيهد الهمم
وتبان علامة للنهوض
أحلم أعود
يتبدل الذل القديم
نوع جديد م الانكسار
من ضعفى
بتبان قوته
وعشان ما يزهو كالطاووس
لازم يدوس
على كل أشلاء الصغار
حتى الأمان
كان فكرة
مش مطروحة أصلاً للحوار
ومنين كرامة ممكنة
واحنا بِمٌر الأزمنة
الموجوعين المطحونين
الساكنين حى الرصيف
الأكلين الشاربين
ومقسمين الباقى
فضلة حضرته
زى الكلاب
عايشين عذاب القهر
أحضان الوطن
فعل اغتراب
كل الخلايق عُرى دايماً
من كل ستر يكون متاح
كل الشكاوى
تتحذف
من أى قايمة
جوه أحلام المباح
ساعة اللزوم
بسمة وشوشكوا
تنفرج ضحك ومزاح
وحبة حبة أتنسى
وأوضى قهر العمر
بدموع الجراح
ألقا البشر
حبة قلوب زى الحجر
ولا حتى أفعال الذئاب
عايزنى بينهم منظرة
دبوس فى عروة بدلته
علشان وجاهته وسطنا
وحب الظهور
عايشين غرور
الوهم ساكن قلبهم
شايفنى دايماً عندهم
سلم يعلى حضرته
ورقة ف صندوق الانتخاب
هيجى يوم
والبدر يتحول محاق
وتكون لربك وقتها
وحدك مُساق
هتروح هناك وبحشرجة
والساق تلف بذنبها
من حول ساق
لازم تفوق من غفوتك
لن يُجدى دمعاً ع الفراق
رُفْع القلم يا مُبتلى
وأنتهى بينا السباق
يا حسرتك
ياليتك كنت يوماً من تراب
لا تحيد بنظرتك
اليوم هو يوم الحساب
أمشى بعيد لا تقترب
حسن الرواق
اليوم خزى متصل
هذا جزاء لابن عاق
…………….
شعر / ماهر أبوالمعاطى