انتصار تعلق على تعاونها مع شيماء سيف رغم خلافهما الشهير 

محمود السيد 

كشفت الفنانة انتصار كواليس تعاونها مع الفنانة شيماء سيف، في مسلسل “إش إش”، رغم الخلاف الشهير الذي حدث بينهما في برنامج “نفسنة”، موضحةً أنها احتوت الخلاف اعتبرت تصريحات شيماء ناتجة من قلّة الخبرة.

قالت انتصار: “أول ما شفتها سلّمت عليها ومخلّتش الموضوع ياخد أكبر من حجمه، وأنا هعتبر كلامها في البرامج قلّة خبرة وإنها تسمح للمذيعين إنهم يوقّعوها في الكلام على زميلتها، والمفروض تكوني كتومة على أسرار العمل بما فيه من مشاكل علشان تبقي محترفة، ومفيش شغل في الدنيا مفيش فيه مشاكل”.

أضافت:”أنا قلت إني أنا الأكبر سنّاً والأكثر عقلاً وأحتوي هذا الأمر وسلّمت عليها أول ما شفتها وكان بالاتفاق مع المخرج محمد سامي، وبعد كده فتحنا الموضوع وقالت إن هي مكانتش حابة تتكلم في البرامج على الأزمة لكن المذيعين والإعداد هما اللي كانوا بيصرّوا على السؤال ده لأن الناس عايزة تعرف عني، دلوقتي طلعت المشكلة مش فيها هي والمشكلة في المذيعين ومعدين البرامج”.

يُذكر أن مسلسل “إش إش” من بطولة الفنانين: مي عمر وماجد المصري ومحمد الشرنوبي وإدوارد وانتصار وهالة صدقي وشيماء سيف وعصام السقا وطارق النهري، ومن تأليف محمد سامي ومهاب طارق وإخراج محمد سامي.