انتقد الإعلامي أحمد شوبير، هاني سعيد، المدير الرياضي لنادي بيراميدز، بعد تصرفه أمس، تجاه مذيع قناة أون سبورت، عقب تعادل فريقه مع صن داونز في جنوب أفريقيا في ذهاب نهائي دوري أبطال أفريقيا.
انفعل هاني سعيد على مذيع الاستديو التحليلي، في مداخلة بعد المباراة، وقام بغلق الهاتف في وجهه، اعتراضًا على مقاطعته الحديث عن مباراة الفريق مع سيراميكا كليوباترا.
قال شوبير في تصريحات إذاعية:”أتعجب من تصرف هاني سعيد بالأمس مع مذيع أون سبورت، يعني الراجل يا كابتن هاني بيكلمك بعد الماتش يباركلك وفرحان تقوم تقفل السكة في وشه؟!”.
تابع:”طب ليه يا ابني هو لا بيشتغل عندك ولا ليك عنده حاجة، والراجل ماغلطتش في حقك ولا في حق ناديك، يبقى ليه تقفل السكة في وشه، مالك يا كابتن هاني في إيه”.
أضاف:”أنا بس عايز أسأل حضراتكم لو أنا كنت مكان المذيع وقفلت السكة في وش الضيف كان ايه اللي هيحصل، تحويلي إلى المجلس الأعلى للإعلام، قرار بإيقافي من المجلس الأعلى للإعلام، منتهى الاستهانة، منتهى المهانة، وكان طبق عليا القرار فورا من تاني يوم”.
عايز حقي
اختتم:”هل حد بيطلع يعتذر لنا، هي القناة ملهاش حق، هو أحنا ملناش حقوق، زي ما علينا المفروض يكون لينا، وأنا بطالب المجلس الأعلى للإعلام بالتدخل، أنا عايز حقي”.
