ثقافة و فن
زغروتتها
زغروتتها هي هي
نفس صوتها في الودان
زغروتتها ليها رنة
طعم فرحة ولون أمان
يوم ميلادي زي ما وعدتني هى من سنين
بس ع القبر النوبادى
زغرتت لي وبإيمان
لما لم النعش عمري
كنتي واقفة مامشيتيش
كنت لسة جوة حضنك
نهر دمع ماينتهيش
كل دمعة كات في فرحة لفيتيها من سكات
ما اعتبرتيش اني ميت كنت فى عيونك باعيش
كنت مستنيكي تيجي وف معادك بالتمام
تحدفي الزغروتة يامة وترمي من قلبك سلام
كنت مستني دعاكي والليلادي فردت إيدي أصلي متعود بقالي سنين كتير ماعرفش كام
قدرت الدنيا وزينتها تشغلك وكمان نسيتي
ضلّم القبر ف عيوني والونَس يسأل عليكي
بالدموع ضميت كفوفي في الكفن وحلمت بيكي
وانتظرت الليلة عدت والساعات بعديها فاتت
طعم عيدي مُر دونك إنتي فين القلب ساكت جنب مني لقيت عنيكي والملايكة قالوا لي ماتت
شعر: فاطمة الصعيدي
