ماهر الجعفري
ردت الفنانة كارولين عزمي، على الانتقادات التي طالتها طوال شهر رمضان بسبب ملابسها، وطريقة تصفيف شعرها خلال أحداث مسلسل “فهد البطل”، بطولة الفنان أحمد العوضي.
قالت كارولين في تصريحات ل “الكرامة العربية“البنات الشعبي أحلى بنات بيكونوا مهتمين بنفسهم جدًا ومش مبهدلين زي الأفكار اللي بتجيلنا، لما شفت بنات بعبايات هما زي القمر، وأنا قربت جدًا من البنت الشعبية وكنت لابسة عبايات واسعة طول الوقت”.
تابعت: “الناس انتقدت إن راوية بتعمل شعرها مع أنهم المفروض مش معاهم فلوس، قبل ما فهد يتسجن راوية كانت بشعرها الطبيعي، وبعدين اشتغلت في البار وبقى معاها فلوس، قصدت أعمل اختلاف بين الشكلين، راوية مكنتش محجبة، محستش إني بعيد عن البنات الشعبية اللي شفتهم على الطبيعة.
