غادة عبدالرازق تؤكد أن الفن مثل القمار

محمود السيد 

اكدت الفنانة غادة عبدالرازق أن الفن مثل القمار غير مضمون النجاح، وذلك على خلفية استخدامها الفيب مكان الشيشة كما في الفيلم الأصلي، حيث كشفت الفنانة غادة عبد الرازق عن الكواليس الخاصة بمسلسلها “شباب امرأة”، والذي عُرض في موسم رمضان الماضي.

الفن مثل القمار 

قالت غادة في تصريح صحفي ل”الكرامة العربية” “استخدامي للفيب بدل الشيشة في “شباب امرأة” جِه صدفة، والفن زي القُمار نجاحه مش مضمون”. وأضافت: “أنا مش من الناس اللي بيفكروا في التريند، أنا زيي زي أي حد بيتفرج، بستغرب لما بلاقي حد بيقولي إن فلان عمل تريند، فبرد وأسأل: هو ليه أعمل في نفسي كده عشان أبقى تريند؟”.

عن توقعات الفنان لنجاح عمله من عدمه، أكدت غادة أنها رغم نجوميتها الكبيرة ما زالت ترتبك في بداية التصوير، كما تحرص على أخذ رأي المحيطين بها في أدائها… إذ قالت: “كل عمل بدخله مش عارفة هينجح ولاّ لأ، والمهنة بتاعتنا زي القمار بندخل العمل الله أعلم هينجح ولا لأ، بنعمل كل الإمكانيات وفيه أعمال مافيهاش غلطة وربنا مش كاتب لها النجاح”.

تابعت: “إحنا بكل نجوميتنا بندخل العمل بنبقى خايفين وموهبتنا لازم نلمّعها، ساعات بنقعد موسم كامل مش شغالين وبنبقى مش ممرنين صوتنا ولا أداءنا، وبدخل أول يوم تصوير ببقى كأني في امتحان وبقعد أقول يا رب اكرمني وادّينا على قد جهدنا وتعبنا واللي عايزين نوصله للناس”.