مريم ياسر
تحدث السيد الرئيس عبد الفتاح السيسي عن دور الفن والإعلام فى تشكيل الشخصية المصرية والذوق العام، قائلا: “في الموضوع ده أنا قولت إنها عبارة عن مراجعة.. مراجعة لذاتنا كلنا، كان فيه واقع مختلف عن الواقع الموجود فيه.. كانت صناعة وبقت تجارة”.
وأضاف الرئيس السيسي، خلال لقاء المرأة المصرية والأم المثالية: “كانت الدولة المصرية التي تساهم فيه وفيه إنتاج تليفزيوني للدولة، وكان فيه أهداف حطها ناس من الجامعات والمسئولين اللى فاهمين يعني ايه إعلام ويعني ايه علم نفس وعلم اجتماع ويعني ايه مجتمع وصياغته.. وبالتالي كان ينفق عليه”.
وتابع الرئيس السيسي: “لما دخلنا في تطورات خلال 40 أو 30 سنة اللى فاتوا وبقي تليفزيون الدولة محمل بأعباء مش قادر يقوم بالدور ده..
وتحول الموضوع من صناعة إلى تجارة ، ومع الوضع فى الاعتبار أنه ممكن يحصل تربحوتحقيق أرباح لو بقي العمل جيد..
أنا خايف على الذوق العام بتاعنا كمصريين.. الموضوعات اللى بنتكلم فيها دي وقولت كده وبكرره… الإعلام له تأثير كبير أوي.. والمسجد والكنيسة لهما تأثير كبير والمدرسة والأسرة..
والحقيقة أن الـ 4 عناصر متداخلين بشكل كبير اوي ويأثروا في بعض.. لو تشددنا في الجامع والكنيسة ينعكس على المجتمع ولو تطرفنا في الفن والإعلام ينعكس على المجتمع وإذا كان التعليم في المدارس ينعكس على المجتمع وندخل في دائرة مفرغة يكون لها تأثير كبير على المجتمع لفترة طويلة”.
