مش عارفه

أنا مش عارفه حبيبي انا مالي حالي تملي مايعجبنيش
عاوزة اوصفلك شىء جوايا بس حروفي مابتكفّيش
عارف الآهة اللي بتتدارى ف حضن الضحكة عشان ماابكيش
أو ف البسمة اللي بتظهر لك وقت ماكنت بارُد مافيش
عارف الحب؟….
أصل حياتي ف آخر السطر وبرضه الحب ماباعرفهوش
عارف طيب.؟…..
طعم الحضن اللى تخطط له سنين وشهور ومابتطولهوش
تعرف إنى حقيقي بجد ماتستغربش. ماجربتوش
طب إستنى …
عارف لما حبيب بيلاقى حبيبه صدفة بدون مواعيد
عارف لهفة فرد إيديهم شوق ف عنيهم فرحة عيد
زي الدمعة ف وقت الضحكة بتنزل تجري وحالفة تعيش
نفس الدمعة بعينها ف عينى بتسكن ضحكي عشان ماابكيش
وامّا تجيني وتسأل فيني؟ وإيه بيخلي الحب يعيش؟
تعرف إن الصح حبيبي بلاش إحراج وماتسألنيش..
شفت ازاي مش عارفة انا مالى حالى تملى مايعجبنيش!

شعر: فاطمة الصعيدي