نيللي كريم تكشف حقيقة خضوعها لعمليات تجميل

فاطمة محمد

كشفت الفنانة نيللي كريم موقفًا طريفًا حدث أثناء تصوير أحد مشاهد مسلسل “إخواتي”، تسبّب في انتشار شائعة خضوعها لعملية تجميل.

أوضحت نيللي حقيقة ما جرى معها وسبب انتشار شائعة إجرائها عملية تجميلٍ لأنفها، إذ قالت: “كنت في الكرفان جاهزة لتصوير أحد مشاهد مسلسل “إخواتي”، وكان في ناس ما شافونيش قبل كده، وفكروا إني عاملة مكياج أو خضعت لفيلر وبوتوكس، مضيفةً: “الناس اللي حواليا قالولي، حرام، أنتِ من القلائل اللي لسه محافظين على طبيعتهم ومش عاملين تجميل”.

أشارت الى أن مظهرها في المسلسل كان ناتجًا عن اختيار فني، قائلة: “أنا ما زدتش في الوزن علشان الدور، لكن لبست طبقات هدوم علشان أظهر بالشكل اللي يناسب الشخصية، وبالفعل ناس كتير افتكروني عاملة حاجة، بس أنا طبيعية”.

في حديثها عن كواليس المسلسل، قالت نيللي: “أنا بحب أدخل جو الشخصية بكل تفاصيلها، من اللبس للشعر للوزن والمكياج، وده اللي حصل في المسلسل، والناس افتكروا إني عاملة فيلر وبوتوكس، لكن الحقيقة إن كل ده شغل فريق المكياج، وأنا ما عملتش أي حاجة.