نيللي كريم تكشف كواليس أحدث أعمالها 

محمود السيد 

كشفت الفنانة نيللي كريم عن كواليس أحدث أعمالها، حيث عبرت عن سعادتها بالمشاركة في فيلم “هابي بيرث داي”، كاشفة عن تفاصيل جديدة حول الفيلم مؤكدة أن الفكرة لمست قلبها، وأن ارتباطها بالمشروع بدأ من أول سطر في السيناريو، دون الحاجة الى قراءة تفاصيل أكثر.

قالت نيللي: “الفكرة نفسها لمست قلبي من أول سطر، مكنتش محتاجة أعرف التفاصيل على قد ما السطر شدني، لما اتبعت لي الاسكريبت سألتهم عن إيه، فالسطر ده كان يكفي إني أقولهم يلا هنصور إمتى؟ ما فكرتش كتير، لأني كنت حابة المشروع كله”.

أضافت: “الفيلم ميزته إن كل شخصية فيه بطل، لو شيلتي شخصية من الأحداث الفيلم هيهتز، وده بيدل على عمق الكتابة”.

عن علاقتها بمخرج ومؤلف العمل محمد دياب وسارة جوهر، أوضحت أنها بدأت منذ فيلم “678”، الذي كان أولى تجارب”دياب”الإخراجية، ثم تعاونت معه مجددًا في”اشتباك”، مضيفة:”محمد دياب وسارة دائماً بيشتغلوا كفريق، سارة دايمًا كانت الجندي المجهول في كل مشاريعه، ولما قررت سارة تخرج، قلت لها: أنا معاك”.

أضافت:”أوقات مكنش بيبقى عندي تصوير، فكنت بقعد أتفرج على الشغل على المونيتور، أنا بحب الإخراج، وكنت بستمتع وأنا قاعدة، لأني حاسة إن الفيلم ده بتاعي، وكل اللي كان يهمني أن الفيلم ده يطلع للنور والناس تشوفه”.