كشفت الفنانة هالة صدقي كواليس صفع ماجد المصري لها، ضمن أحداث مسلسل “إش إش” الذي شاركا فيه خلال موسم رمضان الماضي.
“أش أش” مسلسل هادف
قالت هالة: “مسلسل “إش إش” هادف والرسالة إنه مهما رُحت وجيت حق ربنا وحق الناس هيرجع حتى لو بعد سنين وماتحكمش على الناس بالمظهر”.
الخروج من “صفصف” ل”شادية”
أضافت:”مكنش سهل إني أخرج من شخصية “صفصف” في”جعفر العمدة” أجسد دور شادية في”إش إش”، علشان كده فضلنا نعيد ونكرر علشان منكررش نفس دور “صفصف”.
ماجد المصري تلميذ في اللوكيشن
عن صفع الفنان ماجد المصري لها في مسلسل “إش إش”، قالت هالة صدقي: “إيده مرزبّة صحيح بس قعدنا نتدرب كتير على مشهد صفعي لكنه كان تلميذ جوا اللوكيشن، وكل مشهد يجي يقول هو أنا كنت كويس؟ فكان طول الوقت قلقان وبياخد رأينا”.
