علق مصطفى زيزو والد أحمد مصطفىزيزو لاعب نادي الزمالك، على تجميد نجله و استبعاده من مباراة بطل جنوب أفريقيا ردا على توقيعه للأهلي في مارس الماضي ، قائلا:”اللعب للأهلي مش حرام، عادي براحتهم ينزلوا يلعبوا وميدو ينزل يلعب بكره مكان ابني لأنه هو السبب في تطفيشه وحاليا هو اللي بيدير النادي مش حسين لبيب”.
أضاف مصطفى زيزو في تصريحات صحفية ابني مش هينتحر أو هيموت بسبب تجميده في الزمالك، ابني محتاج يريح أعصابه، اسألوا شيكابالا لأن أبني طلب منه يتواصل مع مجلس الزمالك الشهور الماضية من أجل تجديد عقده.
تابع والد زيزو :طالما مش عاوزين يجددوا لابني ولا عاوزين يقدروه كنجم زملكاوي وحقق بطولات مع الفريق، يطلعوا يواجهوني في الإعلام ويقولوا كده واللعب في الأهلي مش حرام وأنا مش مطلوب مني أقول أنا وقعت على عقد أو اتفاقية مع الأهلي أو أي ناد ، أنا حر لأننا انتظرنا مجلس حسين لبيب كتير معملش حاجة وأنا مش هابوس على ايديهم عشان يتعاملوا بشفافية في ملف تجديد ابني.
أكمل والد زيزو :”مجلس الزمالك فيه شخصيات محترمة مثل هاني بيرزي وعمرو أدهم وحسين السيد لكنهم مش أصحاب القرار وتم إبعادهم عن ملف زيزو لأنهم رفضوا تسليمه للجماهير”.
