ريم مصطفى تردّ على شائعة ارتباطها بمحمد صلاح

نورهان عيد 

ردت الفنانة ريم مصطفى على شائعة ارتباطها بالملك المصري محمد صلاح نجم ليفربول والمنتخب المصري ، كما كشفت عن مواصفات الشخص الذي تودّ الارتباط به.

إشاعة فرحتني

ردّت ريم على تلك الشائعة قائلةً: “إشاعة زواجي من اللاعب محمد صلاح فرّحتني وأنا عمري ما شُفته في الحقيقة.

طلاق أصالة وطارق العريان

تضايقت أيضاً من إشاعة إني سبب طلاق أصالة وطارق العريان لأن أصالة حبيبتي وشام صحبتي ودي كانت أول إشاعة تطلع عليّ”.

أضافت ريم: “حياتي الشخصية مقفلاها عليّ، وده لما الإنسان بيكون عنده نضج ووعي بخبرات حياتية كتيرة”.

أبحث عن الشخص الحلو

أردفت بالقول: “أبحث عن الشخص الحلو وكل ده بس لازم يكون صديق قبل ما يكون زوج ويكون عنده نضج فكري، والحاجات دي دلوقتي مش سهل حد يلاقيها، وارتبطت بأشخاص كتيرة توكسيك أعمل لها كتاب، وده بعيد عن أبو أولادي… أنا مش عاوزة أدخل تجربة فاشلة لأن نفسياً مش عايزة أكمّل في علاقة مش هتضيف ليا سعادة”.

فيلم تسجيلي

عن فيلمها التسجيلي”نقطة تلاقي”، أوضحت ريم : “فهمت من الفيلم تاريخ بلدي كله وقد إيه بلادنا كبيرة، وجبل موسى لما وقفت عليه حسّيت بطاقة كبيرة لأن ده المكان اللي كلّم فيه ربّنا سيدنا موسى وكان في طاقة حلوة هناك وأنا فخورة بالعمل ده”.

انتقادات الجمهور

عن انتقادات الجمهور لمشهدها الشهير و”إفيه” “أنت اللي قتلت ابني يا مجدي”في مسلسل “سيد الناس”، الذي عُرض في موسم دراما رمضان الماضي، كشفت ريم أنها تفاجأت برد فعل الجمهور على المشهد، قائلةً: “الموضوع مر بمراحل معايا في البداية خضتني ولما شوفته قولت إيه القرف ده؟ وأنا كان عندي ظرف يومها ومتخيّلتش إني أطلع بالمنظر ده”.

تابعت: “ابتديت أقول لنفسي هاكتئب ولا أزعل وكنت كل يوم بصحى أقولهم أنا لسه تريند يقولولي آه، فأروح أنام تاني”.