مصطفى بكري يهاجم علاء مبارك

نورهان عيد

هاجم النائب مصطفى بكري، علاء مبارك، نجل الرئيس الأسبق محمد حسني مبارك، حيث وجه له الحديث قائلا: رسالة إلى المراهق السياسي علاء مبارك – خمس مرات وأنت لاتتوقف عن الهرطقه في حقي، وكل مره أقول:ياواد خليك إنت الكبير، علاء مهما راح ولاجيه، لسه برضه مراهق سياسي، بكره يعقل، ولكن طلع رهاني خاسرا، لأنك زي اللي مسكوها طبله هات ياردح”.

الصعيدي اللى جوايا

تابع مصطفى بكري، خلال تدوينة له، على موقع التغريدات”إكس”:قلت: أصبر عليه بكره يكبر ويتعلم معني الحوار الراقي، مفيش فايدة، لغاية ما أيقظت”الصعيدي اللي جوايا”ياعلوءه، أنا لست عاجزا عن الرد، ولكن بقول؛ البلد مش في حاجة لشغل العيال”.

أشار إلى أن مصر تواجه تحديات تدفعنا جميعا إلي الوقوف خلف الدولة وقائدها الوطني، ولكن للأسف، أنت ولجانك الإلكترونيه شغالين ٢٤ ساعة، في الهيافات، ماشي، مفيش مشكله – ياعلوءه، أنا سبتك تقل أدبك ٥ مرات، ولم أرد عليك بكلمه، لكن يبدو أن الصمت يغريك، أنا صدري واسع، وجلدي منحس، ومبيهمنيش مثل هذه الهرطقات.

استطرد:وبما إن الصعيدي اللي جوايا صحي، وكشر عن أنيابه، فأنا أدعوك بكل أدب إلي التوقف، وخلينا في الجد، علاء: بلدنا تواجه تحديات كبرى وشعبها العظيم يقدم تضحيات جسام، مارأيك لو طلعت جدع، وحولت الـ ٤٣٠ مليون دولار ،الموجودين في بنك كريدي سويس في سويسرا باسمك واسم شقيقك جمال علي البنك المركزي المصري كوديعة، وتاخد فائدتهم، والله سيكون موقفا وطنيا يحسب لك ويمحي كل بلاويك، عارف قيمتهم كام يالوءه”٢٠ مليار و٢١٠ مليون جنيه”يعني يكفوكم و١٠٠ جيل تاني وراكم، بخلاف الفلوس الأخرى، لو عملت ده، حقول عليك ولد محصلش، بس أنا عارفك مش حتعملها !!.

استكمل موجها حديثه لعلاء مبارك” “أنصحك يالوءه: كف عن البعث، وخليك راقي في لغتك، لقد أسأتم لوالدك في حياته، ولايجب أن تسئ اليه بعد رحيله،  التزم الصمت، اتعلم من أخيك”جمال” ياعلاء، صدقني، لاأسعي إلي معركة معك، ولاتجبرني أن أدخل معركه لأن لدي وقائع حتزعلك.