ثقافة و فنمصر اليوم
صباح الطيبة
صباح الطيبة ياخالة
يا فارزة الناس يا نخَّالة
وعارفة الوِلد مين خالهْ
قولي لنا بس نعمل ايه
في ناس مشيت ف سِكتنا
أدبنا معاها سَكِّتنا
في أول واقعة سكتنا
قوليلنا بس نعمل ايه
أخدناهم هنا فـ باطنا
ف حاولوا يفكوا فـ رباطنا
بإذلالنا وإحباطنا
قوليلنا بس نعمل إيه
عرفناهم مليحهم شين
عيون حسادة وبوشين
كلام باطل وبه واشيين
قولي لنا بس نعمل ايه
يا ولدي بس ليه تعالي
تاعب قلبك على العالي
دي شكوى ارفعها ” للعالي “
ولا تقولشي هانعمل ايه
بلاش تغضب ياواد حاسب
ملاك على كِتفنا حاسب
وفيه آخرة هانتحاسب
ما نعرفشي هانعمل ايه
…………………….
شعر: فارس القرشي
