نورهان عيد
حققت شدا ماهر متسابقة معهد كونفوشيوس بجامعة عين شمس الحلم وتوجت بالمركز الأول عالميا في التصفيات النهائية للمسابقة الدولية لجسر اللغة الصينية التي أقيمت بمدينة سيامن الصينية واستمرت لمدة شهر تحت رعاية وزير التعليم في الصين.
والجدير بالذكر أن شدا ماهر قد فازت بالمركز الأول في التصفيات التمهيدية التي تم تنظيمها في رحاب جامعة عين شمس أبريل الماضي تحت إشراف أ.د. ناصر عبدالعال مدير معهد كونفوشيوس وأ.د. وانغ سياو خاي المدير الصيني للمعهد ، وفازت بالمركز الأول في التصفيات النهائية على مستوى مصر والذي أهّلها للسفر إلى الصين للمشاركة في التصفيات النهائية على مستوى القارات.
وقد ألقت المتسابقة شدا ماهر كلمة حرصت اللجنة المنظمة للمسابقة على نشرها في وسائل الإعلام الصينية:
” الحمد لله، وبكرم ربنا وتوفيقه ليا، قدرت احقق المركز الأول عالميا في مسابقة جسر اللغة الصينية 🇪🇬🇨🇳🏆
المسابقة دي كانت مختلفة بالنسبالي عن اي حاجة شاركت فيها. حضرتلها من قلبي ،من اول اللبس اللي لبسته وانا فخورة ببلدي وحضارتها، لحد كل كلمة قلتها هناك عن مصر، وعن مشاعري تجاه الصين.
قضيت شهر كامل وانا فخورة بنفسي، وفخورة بكل حاجة اكتشفت اني اقدر اعملها، وفخورة ببلدي اللي شفتها محط اهتمام وحب وفضول من كل الناس اللي قابلتهم هناك.
واكتر حاجة اتمنى اكون نجحت فيها، مش بس اني امثل نفسي بشكل كويس كمتسابقة، لكن اني امثل مصر بصورة تليق بيها كمصرية .
شكرًا لكل حد شجعني قبل ما اسافر وطول ما انا هناك وبعد مارجعت . هذه المرة بالنسبالي مش مجرد مركز اول، لكنه ذكرى وتجربة هفضل فخورة بيها طول عمري.
واتمنى من قلبي اشوف مصر والمصريين دايمًا في الأول، كل سنة في مسابقة جسر اللغة الصينية، وفي كل مسابقة وكل مكان بنمثل فيه بلدنا.
واتمنى كمان ان المركز الأول يفضل صديقي على مدار الحياة،الحمد لله على كل خطوة خلتني أقف على المسرح ده وسط الناس الموهوبة الجميلة دي كلها وكان عندي فرصة اني اعبر عن نفسي وعن رأيي في اكبر مسرح لدارسي اللغة الصينية في العالم كله”
